Камил хәзрәт Сәмигуллин яшүсмер кыз белән 29 яшьлек егетның никахы турында: "Ул кеше имам түгел иде"

18 ноябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Диана АВАКЯН
Татарстан мөфтие мәктәп укучысының һәм яшь ир-атның никахына бәйле гаугага аңлатма бирде.

Татарстанның Чирмешән районындагы бер авылда 29 яшьлек ир-егет яшүсмер кыз белән никах укыткан. Бу хәлне хәзер хокук саклау органнары тикшерә. Моңа Татарстан мөселманнары Диния нәзарәтенең мөнәсәбәте турында “Татар-информ”га биргән интервьюсында республика мөфтие Камил хәзрәт Сәмигуллин сөйләде.

- Камил хәзрәт, Чирмешән районында килеп чыккан хәлне ничек бәялисез?

- Без бу хәлне җентекләп өйрәндек. Быел минем беренче урынбасар Рөстәм хәзрәт Вәлиуллин кызның әти-әнисе белән очрашты. Сөйләшү нәтиҗәләре буенча, “гаепсезлек презумпциясе” принцибы буенча, Рөстәм хәзрәт аларга белемле юрист сайлауда булышты һәм үгет-нәсихәт бирде. Ул балигъ булмаган кыз һәм гаепләнүче арасында җенси мөнәсәбәтләрнең ярамаган гамәл икәнен аңлатты.

ТР Диния нәзарәте мондый хәлләрнең киң җәмәгатьчелек алдында Исламның һәм мөселман өммәтенең абруена зыян салуына борчыла. Чөнки иртә никахлар практикасы күпчелек мәдәниятләрдә булса да, хәзерге заманда андый хәл юк.

Татарстанның имамнар корпусына ташланган нахак күләгә дә хафага сала. Гәрчә, тоткарланган вакытта, гаепләнүчегә Шәһадәтнамә – мөфтият тарафыннан дини эшчәнлек алып бару хокукы турында таныклык бирелмәгән.

- Шикләнелүченең гамәлләрендә гаеп күрәсезме?

- Суд карары чыкканчы аның гаепле булу-булмавы турында алдан нәтиҗәләр ясау дөрес түгел. Кызның мәнфәгатьләрен яклаучы адвокат белән сөйләшкән вакытта, ул хокук саклау органнары тарафыннан гаиләгә басым ясалуын әйтте. Әгәр бу шулай икән, гаепләнүчене этник яки дини билгеләре буенча стереотиплы кабул итү дә дөрес түгел дип саныйм.

Әмма безгә кызның хокуклары һәм мәнфәгатьләре беренче урынга куелырга тиеш икәне көн кебек ачык. Һәм бу хәл нинди генә юнәлеш алса да, вазгыять кызның файдасына үзгәрер дип өметләнәм. Аллаһ аны зәһәр телләрдән һәм явыз кешеләрдән сакласын һәм бу сынауны узарга түземлек бирсен иде. Безнең өчен ничек яхшы буласын бары тик Аллаһ кына белә.

- Никах укытырга теләүчеләргә һәм аларның әти-әниләренә нинди киңәшләр бирер идегез?

- Диндәшләребез мондый хәлләргә юлыкмасын һәм аларны акылсыз, уйланылмаган адымнардан саклау өчен, кисәү чарасы буларак, ТР мөселманнары Дини нәзарәтендә имам-хатыйблар тарафыннан гыйбадәт һәм дини йолалар уздыру турында Нигезләмә бар. Документны рәсми рәвештә ТР Диния нәзарәтенең Голамәләр шурасы әгъзалары, барлык казыйлар һәм Татарстанның имам-мөхтәсибләре раслаган. Ул Хәнәфи мәзһәбе һәм Матуриди гакыйдәсе нигезендә, шулай ук Россия законнарын исәпкә алып эшләнгән. Нигезләмәдә, аерым алганда, никах уздыру өчен яшь күрсәтелгән. ТР мөселманнары Диния нәзарәтендә рәсми аккредитация узган имам бары тик балигъ булганнарга гына мөселман никахын уздырырга хокуклы.

Шулай итеп, Шәһадәтнамә алу өчен 2013 елдан бирле даими укулар, квалификация күтәрү һәм аттестация узып килгән Татарстан имамнары өчен әлеге очракта белемнәр җитмәү мөмкин хәл түгел.

Мөселманнар мәнфәгатен кайгыртып, дини сораулар белән ТР мөселманнары Дини нәзарәтендә аттестация узган мөселман дине әһелләренә мөрәҗәгать итәргә киңәш бирәбез.


  Без Инстаграмда
Күп укылган

Фикерләр








Дин

Бер мәсьәләгә ике караш: "Гарәпчә мода китте, татар әбиләре болай киенмәгән" - "Хатын-кызның шәригать кушканча киенүе"

Ислам динен тотучылар көннән көн арта. Урамнарда озын күлмәкле, яулык бәйләгән кызларга мөнәсәбәт төрле. Тыйнак киенгән кызларны хуплаучылар да, "Гарәп модасына ияреп шулай киенәләр!", "Урам себереп йөриләр!", "Безнең әбиләр болай киенмәгән, чүлдәге модага ияреп төренеп йөриләр!" кебегрәк сүзләрне дә ишетергә туры килә. "Татар-информ" журналисты дин кушканча киенү нинди булырга тиешлеген ачыклады.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: [email protected]

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: [email protected]

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла