Павел Дуров телефоннардан ватсапны алып атарга өнди

21 ноябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
WhatsApp кулланучыларның куркынычсызлыгын саклый алмый дип саный эшмәкәр.

Telegramга нигез салучы Павел Дуров WhatsApp мессенджерын тәнкыйтьләде. Эшмәкәр сүзләренчә, бу сервис кабат-кабат үз кулланучыларын кыен хәлдә калдыра, аларның шәхси мәгълүматларын ала һәм шул сәбәпле җинаятьчеләргә шпионлык итәргә мөмкинлек бирә. Дуров WhatsAppны телефоннан мөмкин кадәр тизрәк бетерергә кирәк дип әйтә. Ул бу хакта үзенең Telegram-каналында язган дип хәбәр итә Газета.ру.

“WhatsAppта бэкдорлар (зыян сала торган программалар) янәдән барлыкка киләчәк, куркынычсызлык белән җитди проблемалар бер-бер артлы булачак дип май аенда ук әйткән идем”, - диде ул.

Бу атнада WhatsAppта яңа бэкдор табылды. Баштагылары кебек үк ул телефондагы бөтен мәгълүматларны хакерларга һәм махсус хезмәтләргә бирешүчән иткән. Хакерга бары тик сезнең телефонга видео гына җибәрергә кирәк – һәм сезнең бөтен мәгълүмат җинаятьчеләр кулына эләгә”, - диде Дуров.

Павел Дуров әйтүенчә, WhatsApp кулланучыларының язышуын саклый алмый, алай гына да түгел, ул үзен троян аты кебек тота, ягъни смартфон хуҗасы артыннан гел күзәтә. Дуров әйтүенчә, 2014 елда 19 млрд долларга WhatsAppны сатып алган Facebook мессенджерны алганчы ук эзәрлекләү программаларында катнашкан булган.

“Компания бу килешүдән соң үз сәясәтен үзгәртәчәк дип уйлау беркатлылык булыр иде. Чөнки WhatsApp хуҗасы үз компаниясен Facebookка саткач “Мин кулланучыларның хосусыйлыгын саттым” дигән иде”, - дип яза Дуров.

Әгәр WhatsApp кулланучылары үз фотолары һәм язышуларының киң җәмәгатьчелеккә чыгуын теләми икән, мессенджерны бетерергә кирәк киңәш итә Дуров.

Дуровның бу тәнкыйтенә Россия элемтә министры урынбасары Алексей Волин да аңлатма бирде. Ул моны WhatsApp һәм Telegram арасындагы көндәшлеккә бәйле дип атады. Дуров, Телеграмга нигез салган кеше буларак, ватсапны тәнкыйтьли дигән фикер әйтә.

Волин фикеренчә, конкурент “бөтен гөнаһларда” гаепләнә икән, ул гаепләүче базарының шактый өлешен тартып алган дигән сүз.


  Без Инстаграмда
Күп укылган

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: [email protected]

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: [email protected]

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла