В заголовках  В тексте
Җомга, 30 Сентябрь 2016 12:11

Legendar artistlarıbızğa medal'lär tapşırıldı

Bügen Ğ.Tuqay isemendäge Tatar däwlät filarmoniäse yanındağı parkta ağaç utırttılar. İzge ğämäl Rossiäneñ atqazanğan, Tatarstannıñ xalıq artistı Emil ağa Cäläletdinov häm Tatarstannıñ xalıq artistı Flüra apa Söläymanova isemennän başqarıldı.


İsegezgä töşerep uzabız, älege kürkäm traditsiä monnan ber yıl elek, 2015 yılnıñ 30 oktäberendä barlıqqa kilde. Berençe ike ağaç Rossiäneñ häm Tatarstannıñ xalıq artistı, Ğ.Tuqay premiäse laureatı İlham ağa Şakirov häm Rossiäneñ atqazanğan, Tatarstannıñ xalıq artistı, Ğ.Tuqay premiäse laureatı Älfiä apa Awzalova isemennän utırtılğan ide.

 

 

2016 yılnıñ 26 aprelendä parkta tağın ber çırşı böyek şağir Ğabdulla Tuqay tuuğa – 130, Tatar filarmoniäsenä şağir iseme birelügä 70 yıl tulu uñayınnan utırtıldı.

Xalqıbıznıñ mäşhür şäxesläre isemnären mäñgeläşterü maqsatın küzdä totqan çarada Tatarstannıñ mädäniät häm urman xucalığı ministrlıqları wäkilläre, filarmoniä kollektivı, “İlhamiät” klubına berläşkän säxnä veterannarı qatnaştı.

Çarada şulay uq qaharman şağirebez Musa Cälilneñ qızı Çulpan xanım isemennän räxmät xatları häm şağir tuuğa 110 yıl tuluğa täğäyenlängän medal'lär tapşırıldı. Tatar filarmoniäse zalında veterannar öçen Rossiäneñ atqazanğan, Tatarstannıñ xalıq artistı Aydar Fäyzraxmanov citäkçelegendäge TR fol'klor muzıkası ansamble kontsertı da täqdim itelde. Muzıka häm ölkännärne xörmätläw könenä bağışlanğan çara veterannarnıñ çäy tabını artında aralaşuı belän tämamlandı. Veterannarıbız öylärenä istälekle büläklär häm küñel tulı şatlıq alıp qaytıp kitte.


Şamil ABDÜŞEV fotoları

Yazmanı bäyalägez
(0 tavışlar)
Ukılgan 376 märtäbä Soñgı üzgärtü Җомга, 30 Сентябрь 2016 15:39
Fiker kaldırırga

Kiräkle mäglümat (*) kertügezgä inanıgız (
HTML-kodlar tıelgan)


Älege kategoriyadäge başka yazmalar: Yullarda saq yörik! "Tübätäyle yarış" tämam

Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Latin imlasına küçerüçe programma avtorı – N.Timerğäliev