В заголовках  В тексте
Дүшәмбе, 31 Октябрь 2016 14:03

Riğadağı möselman ziratlarında ömä uzdırıldı

Uzğan şimbädä Latwiäneñ Riğa şähärendäge “Mikelä” häm “Yawntsiems” möselman ziratların cıyıştıru ömä itep ütkärelde. Çistartu eşlärenä Latwiäneñ Zöfär Zäynullin citäkçelegendäge “Çişmä” tatar-başqort mädäni oyışması başlanğıç birde.


Ömädä Latwiä tatarları häm başqortları, qazaqlar, ruslar, Pakstan keşeläre, latışlar, görcelär h.b. qatnaştı. Bu tör cıyıştıru eşläre yılğa ike tapqır ütkärelä. Dimäk, kiläse ömä yazda uzdırılaçaq.

Beleşmä öçen: tarixi möselman ziratlarınıñ berse Riğada 1890 yılda “Mikelä” ziratı territoriäsendä açıla. Berençe bulıp biredä möselman-qaraimnär cirlängän. Qaraimnär İkençe Bötendönya suğışına qädär Riğada yäşi häm, nigezdä, sänäğätçelär, säwdägärlär bula. Suğış başlanğaç, alar Latwiädän küçenep kitä. Şunnan soñ ziratta, nigezdä, möselmannardan tatarlarnı häm başqortlarnı cirli başlıylar.

 


Uzğan ğasırnıñ 60nçı yıllarınnan 90nçı yıllarına qädär ziratnı qarap torunı Yaqup Şahiev isemle keşe üz östenä ala. Ul utız yıllap berüze diärlek biredä tärtip urnaştıru, cıyıştıru eşläre alıp bara.

1988 yıldan Latwiäneñ “Çişmä” tatar-başqort mädäni oyışması belän “Mikelä” ziratınıñ möselman sektorına xezmät kürsätü turında kileşü tözelä. Şunnan birle oyışma ziratta şäriğät qanunnarı buyınça cirläw şartları ütäleşen, biredäge territoriäneñ çistalığın tä'min itä.

1989 yılda Riğa şähäre Duması möselmannarğa “Yawntsiems” rayonında açılğan ziratta cir uçastoğı bülep birä. Tağın ber möselman ziratı Latwiäneñ Dawğawpils şähärendä urnaşqan.

2012 yıldan birle Latwiädä möselman yolaları buyınça cirläw zakon nigezendä röxsät itelä.

Yazmanı bäyalägez
(0 tavışlar)
Ukılgan 336 märtäbä Soñgı üzgärtü Сишәмбе, 01 Ноябрь 2016 10:20
Fiker kaldırırga

Kiräkle mäglümat (*) kertügezgä inanıgız (
HTML-kodlar tıelgan)


Älege kategoriyadäge başka yazmalar: "Cilkänsezlär" – Ğ.Qamal teatrı säxnäsendä

Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Latin imlasına küçerüçe programma avtorı – N.Timerğäliev