Күп фатирлы йорт диварларын бизәүче оста: "Ниндидер матурлык эшлисе килә"

11 ноябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Зәмирә СӘМИГУЛЛИНА
Фото: Зәмирә Сәмигуллина
Әгерҗедә яшәүче Ринат Шиһабетдинов үзе яши торган күпфатирлы йортның подъездларын төрле рәсемнәр белән бизи. Яктылык, матурлык тәрбияләүнең бер үрнәге дип кабул иттем мин аның бу гамәлен. Якты төсләр белән ясалган рәсемнәрне күргәч, күңел күтәрелә, үзең дә ниндидер матур эшләргә омтыласың. Хәтта электр хисаплагыч тартмаларының ишекләрен дә чәчәкләр белән ямьләндергән ул.
– Без башта Ленин урамында үз йортыбыз белән яшәдек. Анда бизәкләп тәрәз кәрнизләре ясый идем. Фатирга күчкәч, андый мөмкинлек юк, әмма ниндидер матурлык эшлисе килә, тик утырасы килми. Бер ел чамасы инде диварларга рәсемнәр ясый башлаганга. Яшәгән җирне матурлыйсы килә бит инде. Интернеттан карап өйрәндем, – ди ул.

Ринат абый тимер юлда эшләп лаеклы ялга чыккан.


– Башта урам як ишекләрне бизәдем. Аннан соң үзебез подъездга. Шуннан китте инде, башкаларны да матурладым. Безнең күп фатирлы йортта сигез подъезд, барысына да рәсемнәр ясап чыктым. Әле планнар күп, вакыт кына җиткереп булмый.

Рәсемнәр илһам килүгә карап ясала. Бер атна буе уйлап йөрим башта. Кайчакта бер көндә дә эшләнеп бетә, өч-дүрт көнгә сузылган чаклары да бар. Бөтен диварны каплап торганнары да, кечкенә форматтагыларын да ясыйм. Башта диварга караламасын эшлим, аннан буйыйм. Колердагы буягычларны кулланам, алар уңайлы. Күңелемә нинди рәсем, бизәк ошый, шуны төшереп алырга тырышам. Хатыным бик матур рәсемле урын җәймәсе алып кайткан. Аны да тизрәк фотога төшереп алдым. Пыяла, таш, металлга бизәкләп язу (гравировка) белән дә мавыгам, – дип сөйли оста.


Хезмәтләре белән социаль челтәрдә дә уртаклаша пенсионер. Бик күп лайклар җыя. Подъездга ясалган рәсемнәре арасында диңгез, урман сулышын тоясың. Шулай ук, “Ну, погоди”ның бүресен, “Винни пух”, “Малыш һәм Карлсон” мульфильм геройларын да очратасың. Горур таулар, тугай буендагы кошлар, кыяларда очкан бөркетләр дә Ринат абыйның күңел күзләре аша җанланып, диварга төшерелгән.










  Без Инстаграмда
Күп укылган

Фикерләр








Җәмгыять

Педофиллар, наркотиклар, үлем төркемнәре: Интернетта балаларны нинди куркынычлар сагалый?

Интернетта баланы кем яки нәрсә сагалый? Ничек итеп Интернет җинаять мәйданына әверелә? Татарстанда яшәүче ничә бала Бөтендөнья пәрәвезендә җинаятьчеләр корбаны булган? Бу һәм башка сорауларга Татарстан Эчке эшләр министрлыгы, Прокуратура һәм Татарстан буенча Роскомнадзор белгечләре җавап бирде.

Җәмгыять

“Аның иҗат көче барыбызныкына караганда да куәтле иде...” Татар КВНчысы Ильяс Хәсәнов вафат

8 ноябрь көнне төнге 23 сәгать тирәсендә М-7 (Мәскәү – Уфа) трассасының 924нче километрында коточкыч фаҗига була. Казаннан Чаллыга «Фольксваген» машинасында Татар КВН лигасының ярымфиналыннан кайтып баручылар авариягә эләгә. 

Җәмгыять

Әти-әнисе аерылышуын кичергән егет: "Күралмыйм әтине"

Ир белән хатын аерылганда бер канатларын югалталар. Ә балалары ике канатсыз да кала. Әти-әниләренең аерылышуларын кичергән бала күңелендә ниләр булды икән? Аңа нәрсәләр аша үтәргә туры килде икән соң? 

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: [email protected]

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: [email protected]

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла