В заголовках  В тексте
Җомга, 21 Апрель 2017 15:03

Мин - Артек: Казан кызы Дарья Кырымда TATARKA Алтынга пародия төшергән (видео)

Мин - Артек, мин - Артек! Казан мәктәпләренең берсендә унынчы класста укучы рус кызы Дарья татарча җырлый! Казан кызы Дарья Абазьева Кырымның Артек лагеренда булганда Ирина Смелаяның "Татарка Алтын" клибына пародия төшергән. Intertat.ru Дарья белән элемтәгә кереп, ни өчен нәкъ шушы җырны башкаруы белән кызыксынды.

Дарья татар телен мәктәптә өйрәнгән. Һәм шул дәрәҗәдә яхшы өйрәнгән - ул татар телендә җыр текстын да үзе яза алган. 

 

 

- Без Артекта смена ахырында ике медиа продукт тәкъдим итәргә тиеш идек. Һәм без берәр танылган клипка пародия төшерергә уйладык, - дип сөйләде Дарья.

 

Берсе шаяртып кына "Алтын-Артек", диде. Без шушы җырга алынырга булдык. Безнең отрядта Татарстаннан мин үзем генә идем. Шул сәбәпле, татарчаны начар белсәм дә, текстны миңа язарга туры килде.

 

Клипны төшерү ике көнгә диярлек сузылды. Кәгазьдә локацияләр уйлап табу һәм ясау, киемнәр, репетицияләр үткәрү һәм трекны яздыру, клипта катнашучыларны сайлауп алуга бик күп вакыт һәм көч сарыф ителде.

 

- Ни өчен бу клипка пародия ясарга уйладыгыз?

 

- Бу клипның популяр булуы сәбәпче булды.  Артекта ял итүче малайлар һәм кызларның әлеге клип һәм аның бик тиз истә кала торган кушымталары белән таныш икәнлеген аңлаганда да. Чөнки, беренчедән, оригинал клип күпләрнең игътибарын җәлеп итте һәм кыска гына вакыт эчендә зур популярлык казанды.

 

Иртән торсак та, кич ятсак, башыбызда шул проект кына иде һәм аның шау-шу куптарачагына һәм игътибарны җәлеп итәчәгенә ышандык. Безнең бәхеткә, ул шулай булып чыкты да.

 

Шунысы кызганыч, минем смена төгәлләнде һәм без илнең төрле почмакларына таралыштык. Без инде беркайчан да шушы состав белән яңа клип төшерә алмаячакбыз. Әмма кайчан да бер Артекка килә калсам, һичшиксез, шушыңа охшаш тагын берәр клип төшерергә тәкъдим итәчәкмен һәм ул татар телендә булачак! Чөнки Артекта бик тә популяр шушы трекның минем республикам телендә язылуы җанга зур рәхәтлек бирә.

 

- Дарья, син татар эстрадасы белән танышмы? Татар җырлары "Татарка Алтын" кебек популярлык казансын өчен нишләргә кирәк?

 

- Татар эстрадасы миңа әллә ни таныш түгел, шулай да, күңелемә хуш килгән берничә җырны беләм. Кайвакыт кайберләре күңелгә кереп кала һәм үзләрен гел көйләп йөрисе килә.

 

Минемчә, яшьләр һәм рус телле аудитория арасында популярлык казану өчен татар эстрадасына «яшьләрчә» юнәлештә үсеш кичерергә, бүгенге рус популяр музыкасындагы кебек тиз истә кала торган мотивлар, бигрәк тә кушымталар кирәк.

 

Язманы бәяләгез
(0 тавышлар)
Укылган 1185 мәртәбә Соңгы үзгәртү Пәнҗешәмбе, 27 Апрель 2017 12:30
Фикер калдырырга

Кирәкле мәгълүмат (*) кертүгезгә инаныгыз (
HTML-кодлар тыелган)


Йә, кем сән?.. Йөрешең кайдин? Үзең каю җирдин? Арып, имгәп, каю җирдин килерсез? Әүеңез кайда? Ни иллег булырсыз? Котыб. ХIV йөз

Күбрәк укырга

Без бәхетле буын балаларын тәрбиялибез. Килешәсезме? Хәзерге заман әти-әниләре кечкенәләренең «бәхет»ләре өчен ниләр генә эшләмиләр: кыйммәтле кием, заманча гаджетлар, VIP балалар бакчасы, чит илләрдә ял итү дисеңме… Һәм болар өчен «берсе»н дә җәлләмибез…

Күбрәк укырга

Кадерле балалар, әти–әниләр, “Сабантуй” журналының сөекле укучылары! Без сезгә март аенда мавыктыргыч эчтәлектәге язмаларны өеп–өеп бирәчәкбез. Шуларның берсе – сәяхәтче тычкан баласы турында әкият. Бу әкият сезнең кәефегезне күтәреп җибәрер.

Күбрәк укырга

Интернет сүзен олылар, гадәттә, бик үк яратып бетерми. Чөнки аның белән бик яхшы таныш түгел һәм аңа ышанычлары да юк диярлек. Ә менә замана яшьләре аны бик оста куллана.

Күбрәк укырга

“Казан утлары”ның ноябрь саны белән танышабыз!

Күбрәк укырга

Инде соңгы сулышын алучы карт әби янына балалары җыела. «Хәлең ничек?» – дигәнгә ул: «Ярый-ярый, бала карау ише түгел», – дип җавап биргән, имеш. Бала тәрбияләү беркайчан да җиңел булмаган. Ә замана әниләре еш кына үз-үзләренә артык таләпчән. Идеальлеккә омтылу кирәкме?

Күбрәк укырга

Аның группасында 15 меңнән артык кеше, 2 меңгә якын фото, алтмышлап видеоязма... «ВКонтакте» битендәге дуслары гына да меңәрләп. Аның исемен җыйсаң, Яндекс 5 мең биткә сылтама бирә. Югыйсә танылган җырчы да, сәхнә йолдызы да түгел. Гап-гади авыл хатыны.

Күбрәк укырга

Озын тарихлы «Чаян» журналында басылып чыккан карикатура-рәсемнәр, мәзәк-фельетоннар белән монда да танышып бара аласыз!

Күбрәк укырга

Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Архив

« July 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Латин имласына күчерүче программа авторы – Н.Тимергалиев