В заголовках  В тексте
Якшәмбе, 16 Июль 2017 16:36

Искәндәр Газизов: Мине "Башкирский Салават Фәтхетдинов" дип йөртәләр

Искәндәр Газизов: Мине "Башкирский Салават Фәтхетдинов" дип йөртәләр фото: соцсети

Башкортстанның популяр җырчысы Искәндәр Газизов Татарстанга, татар эстрадасына "Наз" җыры белән килеп керде. Әлеге җырны татар музыкаль каналында еш күрсәтәләр. Башкортстан сәхнәсендә 17 ел хезмәт куйса да, татарстанлылар өчен Искәндәр үзенә күрә бер ачыш булды. Уфада узган TTstarparty кичәсендә күрешкәч, үзе белән әңгәмә кордык һәм хәтта җырлашып та алдык.


- Искәндәр, тумышың белән кайсы яктан үзең?


- Мин - Белорет районы Зөяк авылыннан. Мәктәпне тәмамлагач, Уфага укырга киттем. Башта Уфаның сәнгать училищесын, аннары Уфа дәүләт сәнгать академиясен тәмамладым. Бүгенге көндә Уфада яшим, Башкорт дәүләт филармониясендә эшлим.

 


- Белүемчә, син икенче тапкыр өйләнгәнсең. Беренче хатының белән ни өчен аерылыштыгыз?


- Иҗатыма гашыйк булган кызларга, аларның миңа җибәргән хатларына көнләште.


- Озак яшәдегезме?


- Ярты ел очрашып йөреп, ике ел яшәдек.


- Икенче никахтан кызыгыз туган. Аңа хәзер ничә яшь?


- Кызыбыз Эльвинага 3 яшь. Балалар бакчасына йөри.


- Хатының кая эшли?


- Телецентрда.


- Тавышың бигрәк моңлы. Кемнең тавышына охшаган дисәм, Салават Фәтхетдиновныкына бугай...

 


- Бу хакта еш әйтәләр миңа. Башкортстанда мине "Башкирский Салават Фәтхетдинов" дип тә йөртәләр. Мин моның белән килешәм. Чынлап та, безнең тембрлар охшаш. Салават Зәкиевич үзе дә бу турыда әйткән иде.


- Искәндәр, ни өчен Татарстанда танылырга телисең?


- Бүгенге көндә популяр булу - һәрбер артист өчен бик мөһим. Татарстанда оештырыла торган концертларда катнашырга телим, Алла боерса. Татарстан Республикасын үз итәм, яратам. Ут күршебез белән бердәм булып яшәргә кирәк. Балачактан ук Башкортстан һәм Татарстан дип янып яшәдем. Ике республиканың яраткан җырчысы булырга телим. Теләкләрем кабул булсын иде!


- Синеңчә, Татарстан һәм Башкортстан эстрадасы арасында көндәшлек бармы?


- Әлбәттә, бар. Ул элек-электән булды. Ләкин ничек кенә булмасын, тырышып эшләргә кирәк. Әгәр Аллаһы Тәгалә тарафыннан тавыш бирелгән икән, артист тырышырга, көч куярга тиеш. Халык күңелен яуларга кирәк!


- Искәндәр, "Наз" җырың белән Татарстан тамашачысының күңелен яуладың. Инде синнән чираттагы клибыңны көтәбез.

 


- Хәзерге вакытта яңа клип эшлибез. "Кермә минем төшләремә" җырының көен һәм сүзләрен Родион Мортазин иҗат итте. Кайбер күренешләр аэропортта төшерелде. Очкычлар һәм башка локацияләр алынды. Минемчә, бик матур, сыйфатлы клип килеп чыкты. Шушы көннәрдә дөнья күрер дип көтелә.


Эльвира ШАКИРОВА

Язманы бәяләгез
(0 тавышлар)
Укылган 444 мәртәбә Соңгы үзгәртү Якшәмбе, 16 Июль 2017 17:45
Фикер калдырырга

Кирәкле мәгълүмат (*) кертүгезгә инаныгыз (
HTML-кодлар тыелган)


Йә, кем сән?.. Йөрешең кайдин? Үзең каю җирдин? Арып, имгәп, каю җирдин килерсез? Әүеңез кайда? Ни иллег булырсыз? Котыб. ХIV йөз

Күбрәк укырга

Без бәхетле буын балаларын тәрбиялибез. Килешәсезме? Хәзерге заман әти-әниләре кечкенәләренең «бәхет»ләре өчен ниләр генә эшләмиләр: кыйммәтле кием, заманча гаджетлар, VIP балалар бакчасы, чит илләрдә ял итү дисеңме… Һәм болар өчен «берсе»н дә җәлләмибез…

Күбрәк укырга

Кадерле балалар, әти–әниләр, “Сабантуй” журналының сөекле укучылары! Без сезгә март аенда мавыктыргыч эчтәлектәге язмаларны өеп–өеп бирәчәкбез. Шуларның берсе – сәяхәтче тычкан баласы турында әкият. Бу әкият сезнең кәефегезне күтәреп җибәрер.

Күбрәк укырга

Интернет сүзен олылар, гадәттә, бик үк яратып бетерми. Чөнки аның белән бик яхшы таныш түгел һәм аңа ышанычлары да юк диярлек. Ә менә замана яшьләре аны бик оста куллана.

Күбрәк укырга

“Казан утлары”ның ноябрь саны белән танышабыз!

Күбрәк укырга

Инде соңгы сулышын алучы карт әби янына балалары җыела. «Хәлең ничек?» – дигәнгә ул: «Ярый-ярый, бала карау ише түгел», – дип җавап биргән, имеш. Бала тәрбияләү беркайчан да җиңел булмаган. Ә замана әниләре еш кына үз-үзләренә артык таләпчән. Идеальлеккә омтылу кирәкме?

Күбрәк укырга

Аның группасында 15 меңнән артык кеше, 2 меңгә якын фото, алтмышлап видеоязма... «ВКонтакте» битендәге дуслары гына да меңәрләп. Аның исемен җыйсаң, Яндекс 5 мең биткә сылтама бирә. Югыйсә танылган җырчы да, сәхнә йолдызы да түгел. Гап-гади авыл хатыны.

Күбрәк укырга

Озын тарихлы «Чаян» журналында басылып чыккан карикатура-рәсемнәр, мәзәк-фельетоннар белән монда да танышып бара аласыз!

Күбрәк укырга

Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Архив

« July 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Латин имласына күчерүче программа авторы – Н.Тимергалиев